Yaşam Suyu
Eski ve Yeni Ahit’ten anahtar bölümleri
Ön söz
Ciddi şəkildə pozulmuş bir xəritə düşünün. Xəritə elə tərtib olunub ki, yollar, körpülər çıxılmaz vəziyyətdədir, küçə adları dəyişir, işarələr yanlış ərazilərə aparır. Bu xəritəyə uyğun hərəkət etdiyimiz zaman hər şey bizi yanlış yerlərə aparacağı üçün bizim üçün daha pis olacaq.
Eynilə, həyat bizim üçün nə qədər mürəkkəb və çətin olarsa, bir o qədər təhrif edilmiş və təhrif olunmuş daxili xəritəyə sadiq qalırıq. Yanlış düşüncələr və fikirlər bizi uğursuzluğa aparır. Əsassız, yalançı imanlar əsarət və ölüm gətirir. Buna görə də həqiqət və ya yalan, iman və ya imansızlıq Müqəddəs Yazılarda mühüm yer tutur. İnançlarımız hayatımızı yönləndirir. Bu sadəcə Tanrı’yla bağlı imanımız üçün deyil, bu özümüzlə, insanlarla və dünya ilə bağlı hər mövzuda inandığımız ve əmin olduğumuz şeyler ücün də etibarlıdır.
Doğru iman azadlıq və həyat verir. Yalan inanclarımızı və əmin olduğumuz şeyləri doğru olanlarla əvəz etmək, həyatımızı müsbət istiqamətdə dəyişəcək. Yalnız həqiqəti ürəyimizə yerləşdirdikdə azad ola bilərik.
İsa Məsih dedi: “Siz həqiqəti dərk edəcəksiniz və həqiqət sizi azad edəcək”. (Yəhya 8:32) Əgər Tanrıya icazə versək, Tanrıın həqiqəti bizi işıqlandıracaq, dəyişdirəcək və bizi bu dünya üçün işıq edəcək. Həqiqət bizim bildiklərimizdən və ya nə edəcəyimizdən daha çox Tanrının gördüklərini görmək qabiliyyətimizlə bağlıdır. Daxili imanımız Tanrının nəzərinə uyğun olduqda, ağlımızdakı və qəlbimizdəki bütün ziddiyyətlər aradan qalxar. Hər şeyi Tanrının gördüyü kimi görməyə başlayanda həyatımız müsbət olmağa başlayar.
Bu kitabça Müqəddəs Kitabın əsas fəsillərini və əlaqəli tədqiqat suallarını əhatə edir. Bir mövzu üçün Müqəddəs Kitabın bütün fəsilləri əhatə edilmədikdə, başlıqlar altında (bölmə: ayə №) mövzu ilə bağlı olan ayələr haqqında məlumat verilir.
- Sualların əvvəlində ulduz işarəsi var və kursivlə yazılır. Əgər suallar konkret ayələrə aiddirsə, ayə nömrəsi mötərizədə verilir: (bölmə: ayə No).
Bu kitabça Müqəddəs Kitabın həqiqətlərini kəşf etməyimiz üçün hazırlanmışdır. Bu məqsədə çatmağın müxtəlif yolları var. İki faydalı olanı sizinlə bölüşmək istərdik: tək və qrup şəklində oxumaq.
Tək oxuculara tövsiyəmiz odur ki, bir fəsli oxuduqdan sonra sualları cavablandırsınlar. Çünki bununla biz düşüncələrimizin aydın olmasına imkan veririk.
Mütaliənin ən məhsuldar forması qrup şəklində oxumaqdır. Dostlarınızdan, qohumlarınızdan və maraqlanan hər kəsdən “Birlikdə oxuyaq?” deyə soruşa bilərsiniz. Bir fəsili ucadan oxuduqdan sonra hər kəs öz fikirlərini bölüşərək verilən suallara cavab verə bilər. Əsas şərt oxuduğunuz hissədən kənara cıxmamaqdır. Buna nail olmaq üçün bir-birinizə bu sualı verə bilərsiniz, “Bunu oxuduğumuz bölümün harasında görmüsünüz?” Özümüzün olduğu kimi başqalarının da fikirlərinə sahib olmaq düşüncələrimizi genişləndirə bilər və Rəbbin Kəlamını daha da dərindən öyrənə bilərik. Rəbbin Kəlamından aldığımız xeyir-duaları nə qədər çox paylaşsaq, bir o qədər çox alırıq. Əgər oxuduğunuz zaman Rəbb sizə yeni bir perspektivlə xeyir-dua veribsə, əvvəllər görə bilmədiyiniz bir həqiqəti kəşf edib onu başqaları ilə bölüşəndə xeyir-duanızın artdığını görəcəksiniz.
Ən əsası: Rəbbin Kəlamını oxumazdan əvvəl “Ya Rəbb, həqiqətini görməyə kömək et” deyə dua edə bilərsiniz. Bizi Özü üçün yaradan Rəbbimiz qəlbimizin bu istəyini məmnuniyyətlə qəbul edəcəkdir.
