¹⁵ Görünməz Tanrının surəti və bütün yaradılış üzərində ilk doğulan Odur.  ¹⁶ Çünki göylərdə və yerdə olan, görünən və görünməyən hər şey – taxtlar, ağalar, başçılar, hakimlər Onda yarandı. Nə varsa, Onun vasitəsilə və Onun üçün yarandı. ¹⁷ Hər şeydən əvvəl var olan Odur və hər şey Onda bərqərar olur. ¹⁸ Bədənin, yəni imanlılar cəmiyyətinin Başı da Odur. Hər şeydə birinci olsun deyə başlanğıc olan, ölülər arasından dirilərək ilk doğulan Odur. ¹⁹ Çünki Tanrı Onda tam bütövlüyü ilə yaşamağa ²⁰ və Onun vasitəsilə, çarmıxda axıdılan qanı ilə barışıq yaradaraq həm yerdə, həm də göylərdə olan hər şeyi Özü ilə barışdırmağa razı oldu.

Sorular:

• Bu mətndə istifadə olunan “doğulmuş” sözü nə deməkdir?

• İsa Məsihin dünyaya gəlməzdən əvvəl həyatı haqqında nə öyrənirik?

• Bu fəsildə İsa Məsihin izzətini göstərən nələri görürük?

• Burada öyrəndiklərinizi kiminlə bölüşmək istərdin?