¹ Rəbb Tanrıın yaratdığı bütün çöl heyvanlarının ən hiyləgəri ilan idi. İlan qadına dedi: «Doğrudanmı, Tanrı sizə “bağda olan heç bir ağacın bəhrələrindən yeməyin” deyib?» ² Qadın ilana dedi: «Bağdakı ağacların bəhrələrindən yeyə bilərik. ³ Amma bağın ortasındakı ağacın meyvələri barədə Tanrı deyib: “Ondan yeməyin və ona toxunmayın, yoxsa öləcəksiniz!”» ⁴ İlan qadına dedi: «Yox, əsla ölməzsiniz. ⁵ Əksinə, Tanrı bilir ki, o meyvələrdən yediyiniz gün gözləriniz açılacaq və xeyirlə şəri bilərək Tanrı kimi olacaqsınız». ⁶ Qadın gördü ki, ağacın meyvəsi yemək üçün yaxşıdır, gözə xoş görünür və bu ağac insana dərrakə verməyi vəd edir. Buna görə də o həmin meyvədən dərib yedi. Sonra yanında olan ərinə də verdi, o da yedi. ⁷ O vaxt ikisinin də gözləri açıldı və çılpaq olduqlarını bildilər. Buna görə də əncir yarpaqlarını bir-birinə hörüb özlərinə fitə düzəltdilər. ⁸ Onlar günün sərinliyində bağda gəzişən Rəbb Tanrıın səsini eşitdilər. Adəm və onun arvadı Rəbb Tanrıın hüzurundan qaçıb bağdakı ağacların arasında gizləndilər. ⁹ Rəbb Tanrı Adəmi səsləyib dedi: «Haradasan?» ¹⁰ O cavab verdi: «Bağda səsini eşitdim və çılpaq olduğum üçün qorxdum, ona görə də gizlənmişəm». ¹¹ Rəbb Tanrı dedi: «Kim
sənə bildirdi ki, çılpaqsan? Sənə yeməyi qadağan etdiyim ağacın meyvəsindən yeməmisən ki?» ¹² Adəm dedi: «Mənimlə birgə olmaq üçün verdiyin qadın o ağacın meyvəsindən verdi, mən də yedim». ¹³ Rəbb Tanrı qadına dedi: «Sən niyə belə etdin?» Qadın dedi: «İlan məni yoldan çıxartdı, mən də yedim». ¹⁴ Rəbb Tanrı ilana dedi: «Sən bunu etdiyin üçün Bütün ev heyvanları və çöl heyvanları arasında lənət qazanırsan. Qarnın üstündə sürünəcəksən, bütün ömrün boyu torpaq yeyəcəksən.
 ¹⁵ Mən səninlə qadın arasına, sənin balanla onun övladı arasına düşmənçilik salıram. Bu övlad sənin başından vuracaq, sən də onu dabanından sancacaqsan».
 ¹⁶ Sonra Rəbb Tanrı qadına dedi: «Hamilə olanda sənə cox əziyyət verəcəyəm, uşaqlarını ağrı içində doğacaqsan. Ərinə meylli olacaqsan, o sənə ağalıq edəcək». ¹⁷ Sonra Rəbb Tanrı Adəmə dedi: «Arvadının sözünə qulaq asdığın üçün, gadağan etdiyim, “meyvəsini yemə” dediyim ağacdan yediyin üçün sənə görə torpaq lənətlənir. Ömrün boyu zəhmətlə torpaqdan yemək əldə edəcəksən. ¹⁸ O sənə tikan və qanqal bitirəcək, sən də çöldəki ot-ələfi yeyəcəksən. ¹⁹ Alın tərinlə çörək yeyəcəksən. Axırda torpağa qayıdacaqsan, cünki oradan götürülmüsən, ona görə ki yerin torpağısan, torpağa da qayıdacaqsan». ²⁰ Adəm arvadının adını Həvva qoydu, çünki o, yer üzündə yaşayanların hamısının anası oldu. ²¹ Onda Rəbb Tanrı Adəmlə arvadı üçün dəridən paltar düzəltdi və onlara geyindirdi. ²² Sonra Rəbb Tanrı dedi: «Budur, insan xeyirlə şərin nə olduğunu bilərək bizlərdən biri kimi oldu. Qoy indi əlini uzadaraq həyat ağacının meyvəsindən dərib yeməsin və əbədi yaşamasın!» ²³ Rəbb Tanrı insanı Eden bağından çıxartdı ki, o özünün də bir qismindən götürüldüyü torpağı becərsin. ²⁴ Rəbb Tanrı insanı qovdu. O, Eden bağının şərqinə keruvlarını və hər tərəfə fırlanan odlu qılıncını qoydu ki, həyat ağacına gedən yolu qorusunlar.

Sorular:

• Tanrı haqqında nələr öyrənirik?

• İnsan haqqında nələr öyrənirik?

• Şeytanın iş tərzi haqqında nələr öyrənirik?

• Günah baş verəndən sonra nə dəyişdi?

• İlk günahdan sonra Tanrı hansı vədi verdi?

• Günahdan sonra gələn ayıbı örtmək üçün Tanrı nə etdi?

• Ayıbı örtmək və günahı götürmək üçün ilk qurbanı kim kəsdi?

• Öyrəndiklərimizi kiminlə bölüşməliyik?